• | سياسة الشحن

| سياسة الشحن

ترندي متجر أونلاين بس، ومعندناش محل. أوردرك بيوصلك لحد باب البيت في أي مكان في مصر.

التوصيل بياخد قد إيه

المنطقة مدة التوصيل
القاهرة والجيزة خلال 48 ساعة (يومين شغل)
باقي المحافظات من 2 لـ 7 أيام شغل، على حسب المدينة وشركة الشحن

مصاريف الشحن

بتفرق من محافظة للتانية، وهتلاقي المبلغ بالظبط في صفحة الدفع قبل ما تأكدي الأوردر.

تأكيد الأوردر

قبل الشحن ممكن نكلمك تليفون أو نبعتلك على واتساب أو فيسبوك أو إنستجرام عشان نأكد الأوردر. لو موصلناش ليكي، الأوردر ممكن يتلغي.

الدفع

تقدري تدفعي كاش للمندوب وقت الاستلام، أو بـ InstaPay. في بعض المحافظات بنطلب تحويل مصاريف الشحن بـ InstaPay قبل ما نشحن، وبنقولك ده وإحنا بنأكد الأوردر.

عايني أوردرك قبل ما تدفعي

تقدري تفتحي الشحنة وتشوفي كل قطعة قدام المندوب قبل الدفع. أما القياس فبيختلف حسب نوع المنتج:

نوع المنتج تشوفيه قبل ما تدفعي القياس / الفتح
هدوم وأحذية أيوه أيوه، قياس سريع
لانجري وملابس داخلية أيوه من غير قياس
مايوهات أيوه من غير قياس
منتجات التجميل من برّه بس التغليف يفضل مقفول

خلي التيكت متركّب والمنتج نضيف وإنتي بتعاينيه.

لو مش عايزة الأوردر

أي قطعة مش عاجباكي رجّعيها للمندوب وسعرها بيتخصم من الإجمالي. ولو رفضتي الأوردر كله، بتدفعي مصاريف الشحن بس، ودي قصاد مشوار المندوب.

إمتى ممكن نلغي الأوردر

لو مقدرناش نوصلك، أو القطعة خلصت، أو السعر كان ظاهر غلط بشكل واضح. وأي مبلغ دفعتيه مقدمًا بيرجعلك.

عندك سؤال عن التوصيل؟

بنرد عليكي يوميًا من 2 الضهر لحد 12 بالليل.